Lagi Pengin Ngresula

Kaya kiye rasane nyambut gawe adoh sing umah, sadoan-doan. Gemiyen tah ora patia krasa nelangsa. Paling, ya, krasa nelangsa yen mikir pan balik. Sing Blangpidie kudu maring Medan ndisit numpak travel. Mending tah yen dalane kaya nang Jawa, lempengan. Nang kene dalane plegak-plegok, munggah mudhun, yen lagi ora sehat ya biasane gampang mabok. Kudu sangu kresek nggo jaga-jaga. Sing Medan maring Jakarta numpak pesawat. Ngko sing Bandara Soekarno-Hatta numpak DAMRI maring Gambir. Sing Gambir numpak ojek mbuh bajaj maring umahe kancane disit nggo istirahat. Esuke numpak sepur maring Brebes. Bisane tungkula istirahat ndhisit nang umahe kancane? Soale ya angel yen pan langsung numpak sepur. Pan numpak sepur sing jam sewelasan ora nyandhak. Angger pengin numpak sepur sing jam sewelasan, sing Medan kudu numpak pesawat sing mangkate Subuh. Padahal nyong anjog Medan sekitar jam enem atawa pitunan. Kuwe yen mobile cepet. Yen sopire wonge anter-anteran ya anjoge luwih awan maning. Yen pan numpak sepur sing bengi, suker pan numpak apa sing Stasiun Brebes maring umah. Anjog Stasiun Brebes wis jam sewelas, wis laka angkutan. Pan numpak becak ya rada-rada wedi. Wong umah laka sing bisa njemput.

Saiki tambah maning sing gawe nelangsa. Pengin balik ngko tahun baru tapi ka si bos kayong ora niat ngein ijin. Takon kaya kiye maring aku, "Mila jadi pulang Desember?" Aku ya njawabe tergantung ijine si bos, yah. Eh. bose malang ngomong, "Ya, nggak boleh. Tergantung nekat aja." Kuwe maksude apa len? Nantang nyong wani apa ora mbolos ora nganggo ijin? Nyong, ya, lugune pengin bandel. Wis kesel rasane dadi bocah apik sing nurutan. Wong liya sing umahe ora patia adoh be sering mbolos ka nyong sing umahe adoh ora olih mbolos? Gawe ora semangat kerja. Nyong ora pengin ngresula. Tapi, pimen maning? Ora tahan. Yen dipikir-pikir ka rasane nggawe dada sesek. Apa maning saiki ana peraturan olih pindah maring endi bae, ora ngileng masa kerja. Nembe kerja sewulan nang Aceh olih pindah. Tapi, ana tambahane "KECUALI MARING JAWA". Berarti yen wis kerja pitulikur tahun nang Aceh ya tetep ora olih pindah maring Jawa, kaya kuwe? Ora adil nemeeeen!